सुशील लामगादे बि.क. 
दमौली,तनहुँ।
विज्ञान शिक्षक समाज नेपाल स्ट्यान व्यास नगर समितिको आयोजनामा तनहुँमा रिबिल्ड नेपाल बिज्ञान मेला२०२६(Rebuild Nepal Science Fair 2026) हुने भएको छ। मेलाले माध्यमिक तहका विद्यार्थीमा वैज्ञानिक सोच, अनुसन्धान क्षमता र नवप्रवर्तन विकासमा जोड दिने आयोजकले जनाएको छ।
व्यास नगरपालिका तनहुँ र निर्मल माध्यमिक विद्यालयको सहआयोजनामा हुने विज्ञान मेला
नेपाल शिक्षा प्रतिष्ठानको पुनर्निर्माण(Rebuild Nepal Education Foundation) को पुरस्कार प्रायोजनमा सञ्चालन हुनेछ। मेलामा तनहुँ जिल्लाभरका सामुदायिक तथा संस्थागत विद्यालयका कक्षा ८ देखि १० सम्मका विद्यार्थी सहभागी हुनेछन्।
आयोजकका अनुसार मेलामा उत्कृष्ट परियोजनालाई नगद पुरस्कार, ट्रफी र प्रमाणपत्र प्रदान गरिनेछ। प्रथम पुरस्कार ४० हजार रुपैयाँ, द्वितीय पुरस्कार ३० हजार रुपैयाँ, तृतीय पुरस्कार २० हजार रुपैयाँ र चतुर्थ पुरस्कार २० हजार रुपैयाँ तोकिएको छ।
विज्ञान मेलाको उद्देश्य विद्यालयस्तरमै व्यवहारिक र प्रयोगात्मक विज्ञान शिक्षाको प्रवर्द्धन गर्नु रहेको छ। विद्यार्थीलाई अनुसन्धानमुखी सिकाइमा अभिप्रेरित गर्नु मेलाको मुख्य लक्ष्य भएको आयोजकले बताएका छन्।
रिबिल्ड नेपाल बिज्ञान मेला २०२६ (Rebuild Nepal Science Fair 2026 )माघ ८ गते बिहान १० बजेदेखि निर्मल माध्यमिक विद्यालय व्यास २ तनहुँमा आयोजना हुनेछ। कार्यक्रममा विद्यार्थी, शिक्षक, अभिभावक तथा सरोकारवालाको उल्लेखनीय सहभागिता रहने अपेक्षा गरिएको छ।
